amalinks wokungena

Breaking News

Kaphumele Egcekeni UMugabe Ngodaba LweGukurahundi - Tsvangirai


Inhloko kahulumende uMnu Morgan Tsvangirai sekhuthaze uMongameli Robert Mugabe ukuthi asole udlakela okusegcekeni ukuze abasekeli bebandla lakhe leZanu PF babone ukuqakatheka kokutshiyana lalumkhuba.

Ekhuluma eseMatabeleland South ngoLwesithathu emkhosini wokuthakazelela ukubuyela kukaMnu Lovemore Moyo esikhundleni sokuba ngumlawuli wedale lephalamende uMnu Tsvangirai uxwayise uMugabe njalo ukuthi kumele aphumele egcekeni ngodaba lweGukurahundi.

Ingcwethi ecubungula ezombusazwe uMnu Brilliant Mhlanga utshele uNtungamili Nkomo weStudio 7 ukuthi lanxa amazwi kaTsvangirai ethokozisa, kuyamangalisa ukuthi kungani udaba lweGukurahundi eluphatha nxa eseMatabeleland kuphela.

XS
SM
MD
LG