amalinks wokungena

Breaking News

Iqembu Lenguqu Labesifazana Lidlala Kahle Ukwedlula Elabesilisa


zimbabwe women soccer
Lanxanje iqembu elimela iZimbabwe emdlalweni wenguqu elama Warriors lokhe lisehluleka ukuthuthukisa ukudlala kwalo nxa lilinganiswa lamanye amazwe womhlaba, iqembu labesifazana likhanya lithuthuka okujabulisayo.

Ama Warriors lokhe eqhubeka esehla isimo sawo ikakhulu kuhluhlu lwamaqembu adlala kuhle emhlabeni jikelele. Ngakwelinye icele elabesifazana elama Mighty Warriors lithuthukise isimo salo laba kumaqembu alikhulu omhlaba adlala kuhle, sikhulumanje lihlezi kunumber 94.

Ama Mighty Warriors ahlezi kunumber 13 ezwekazi leAfrica lapho okulamaqembu angamatshumi amathathu lasithupha- 36, ele Lesotho lisemusileni kunumber 36.
Okuncede ama Mighty Warriors kubikwa kuyikukhokhela kakuhle kwabaqondisa balumdlalo elizweni osokukhange abamabhizimusi ukuthi baliphathise leli qembu kungela kuthandabuza lokuxokozela kokungethembeki ezintweni eziphathelane lemali okutholakala emaqenjini abesilisa.

Ukuphumelela kwama Mighty Warriors kwenzakala nje ngemva kokunqoba kwaleli aqembu emdlalweni walo lele Zambia lapho elinqobe khona 5 kazero emdlalweni wobungane obuqondiswa ngabenhlanganiso yenguqu emhlabeni jikelele eye FIFA kwele Zambia. Ama Mighty Warriors ayenze isimanga edlala labeZambia abakade besekhaya bona beyizethekeli. Iqembu labesilisa lisuke kunumber 100 lehla layahlala kunumber 106.
Iqembu elihlezi esiqongweni ezwekazi leAfrica ngelabesifazane beNigeria. Emhlabeni jikelele iqembu labesifazana lakwele Melika lokhe liziphethe esdukwini emqongweni lilandelwa yiGermany, Japan le Brazil.
XS
SM
MD
LG