amalinks wokungena

Breaking News

Isicelo Semali Yokhetho Sidala Inkulumo


Morgan Tsvangirai

Lokhu kuvele ngemva kwembiko kamphathintambo wezemithetho, uMnu. Patrick Chinamasa ngemva komhlangano wabaphathisa iZimbabwe kweleBhilitane.

Isicelo semali yokuqhuba ukhetho singekela ukuphumelela kulandela ukudonselana kwamabandla akuhulumende womanyano.

Lokhu kuvele ngemva kwembiko kamphathintambo wezemithetho, uMnu. Patrick Chinamasa ngemva komhlangano wabaphathisa izimbabwe kweleBhilitane, iFriends of Zimbabwe lequla lezimbabwe.

UChinamasa uthe eleZimbabwe kalisoze livumele iqulu lomanyano we United Nations ukuzohlola ukhetho.

Kunjalo nje, uhulumende usefake ugwalo lwesisekelo sombuso welizwe esitsha ukuze uzulu aluhlaziye okokucine andubana lube ngumthetho.

Lokhu kutsho ukuthi ngemva kwamalanga angamatshumi amathathu lolugwalo luzasiwa edale lephalamende ngemva kwalokhu beseludliliselwa phambili luye kudale lesenate beselusayinwa ngumongameli mugabe lube ngumthetho.

Umphathintambo wezesekelo sombuso, uMnu. Eric Matinenga utshele iphephandaba le The Herald ukuthi lolugwalo aluzange luguqulwe selokhu uzulu waluvotela kumaviki amabili adluleyo.

Ingcwethi ecubungula ezombusazwe, uMnu. Rejoice ngwenya utshele istudio seven ukuthi isehlakalo lesi asitshengiseli ukuthi ukhetho seluzenziwa nini.
please wait

No media source currently available

0:00 0:02:09 0:00
Lapho esitholakala khona
XS
SM
MD
LG