amalinks wokungena

Breaking News

Ukusetshenziswa Komuthi Emdlalweni weNguqu Sokuludaba Egudwini


How Mine FC
Ukusetshenziswa komuthi emdlalweni wenguqu eZimbabwe sekuyindaba esegudwini ngemva kokuba kutholakale imigcozo ku dressing room ebisentshenziswa liqembu le How Mine ngensonto emdlalweni walo lele Caps United obusenkundleni ye National Sports Stadium.

Uzulu olandela umdlalo kanobhutshuzwayo kwele Zimbabwe usele ebambe owangaphansi ngemva kokuphuma kwemifanekiso yemigcozo ebesitshenziswa liqembu le How Mine kumaphephandaba ahlukeneyo akuleli.

Lawa mayika abegoqela izigujana ezilemihluzi elembala etshiyeneyo ndawonye lamakhandlela abebhebha umlilo.

Lokhu kubonakale ngesikhathi kube labantu abavule ngamandla isivalo sekamelo ebelisetshenziswa liqembu le How Mine ngesikhathi lona liphakathi enkundleni ye National Sports lingqikilana lele Caps United emdlalweni wenkezo ye Mbada Diamonds wona ophele iHow Mine inqobe nge 4 ka 2 ngemva kokutshaywa kwembekwa.

Intathelizindaba yezemidlalo u Danisa Nyathi uthi izehlakalo ezifana lalezi zingcolisa isimo sabansundu kumazwe aphetsheya.

Kodwa omunye usibhula osebenzela edolobheni lako Bulawayo kodwa edabuka eChipinge uSekuru Machaya uthi lasekadeni amadoda ayevele etshwama phambilini kokuba aye empini.

Akusikho kokuqala ukuba iqembu le How Mine libatshazwe ngokusebenzisa imithi njengoba esikhathini esadlulayo like lamangalisa uzulu sekuphume imibiko yokuba abadlali balo bayekela ukugeza okweviki lonke phambilini komdlalo wabo leqembu le Dynamos wona owaphela benqobe nge 1 ka nya.

Kolunye udaba olumayelana lomdlalo kanobhutshuzwayo, inkokheli yequla elibona ngokuqhutshwa kwemidlalo ye African Nations Championship, i Chan ngamafitshane, uMvuzo Mbebe, uthi ilizwe le South Africa lizimisele ukuqhuba umncintiswano wezinga laphezulu ekuqaleni komnyaka ozayo.

UMbebe uthethe ithuba lokuba kwakhe elizweni leZimbabwe ukuba axwayise izizalwane ze Zimbabwe ukuba kumele zenze masinya amalungiselelo okuyabukela limidlalo njengoba ilizwe le Zimbabwe lalo lingelinye lamazwe azadlala kulimidlalo.

UMbebe ubeseZimbabwe elanda umhlangano we nhlanganiso ye Supreme Council for Sport in Africa yona ephakathi kokuqoqa imidlalo yabasakhulayo ezaqhutshelwa elizweni le Zimbabwe ekupheleni komnyaka ozayo.

Iqembu le Zimbabwe likusibaya sika Group B ndawonye le Uganda, Burkina Faso kanye le Morocco.
XS
SM
MD
LG