amalinks wokungena

Breaking News

WHO: UMugabe Uzakhokhela Imizamo Yokulwisana Lomkhuhlane Wemvukuzane


Inhlanganiso yeWorld Health Organization ibikwa isikhethe uMongameli Mugabe ukuthi akhokhele imizamo yokulwisana lemikhuhlane egoqela owetshukela, owemvukuzane, iasthma kanye lowenhliziyo.

Imikhuhlane le ibulala abantu abedlula izidgidi ezingamatshumi amathathu lengxenye, 36 million emhlabeni jikelele ngomnyaka.

Umsakazo weZBC uthi uMongameli Mugabe uphiwe umlandu lo emhlanganweni oqhutshelwa kwelaseUruguay ngoLwesibili.

EZimbabwe umkhuhlane wemvukuzane lowetshukela isihluphile mpela okokuthi isibulala abantu abanengi ukwedlula umkhuhlane wengculazi.

Ngakho, umphathintambo wezempilakahle uMnu David Parirenyatwa uthi sebezasebenzisa imali yesikhwama sengculazi ukulwisana lalimikhuhlane.

Ummeli weNkayi South edale lephalamende uMnu Abednico Bhebhe utshele iStudio 7 ukuthi uhulumende kumele eqinise imizamo yokulwisana lalimikhuhlane.

please wait

No media source currently available

0:00 0:02:18 0:00
XS
SM
MD
LG