amalinks wokungena

UTsvangirai Sebuyelile Ukuyakwelatshwa kweleSouth Africa


Umkhokheli weMDC-T uMnu Morgan Tsvangirai sebuyelile kweleSouth Africa lapho ayelatshwa khona umkhuhlane wemvukuzane.

Iphephandaba leThe Daily News libike ukuthi uTsvangirai ugijinyiselwe eJohannesburg ngoLwesithathu esegula kakhulu.

Kodwa isikhulumeli sakhe uMnu Luke Tamborinyoka uthe lanxa ekufakaza ukubuyela kukaTsvangirai eSouth Africa, kungamanga ukuthi usegula kakubi.

Kodwa iziphathamandla zalelibandla ezikhulume leStudio 7 zithi ukugula kukaTsvangirai akusiyinto efihlwayo.

Ukugula kukaTsvangirai yinto ehlupha abantu abanengi ikakhulu abasekeli bamabandla aphikisayo akumanyano weMDC Alliance.

Lanxa kunjalo, isikhulumeli salumanyano uMnu Welshman Ncube uthi kulihlazo alikhulu esintwini ukukhuluma kubi ngempilakahle yomuntu.

Kodwa ingcwethi kwezombusazwe uMnu Brilliant Mhlanga uthi kulungile ukukhuluma ngempilakahle kaTsvangirai ngoba ungumkhokheli.

Facebook Forum

XS
SM
MD
LG