amalinks wokungena

Breaking News

UChiwenga Uhlangana loMugabe Phezu Komvukela Webutho


Umkhokheli webutho leZimbabwe uGeneral Constantine Chiwenga uhlangane loMongameli Mugabe ngoLwesine bekhulumisana ngodaba lokuhluthunwa kwentambo zombuso libutho.

Ababili laba bahlanganiswe yizithunywa zikaMongameli wakweleSouth Africa uMnu Jacob Zuma elifike eHarare ngoLwesithathu.

Izithunywa zikaZuma zibalisa umphathintambo wezamabutho uNkosazana Nosiviwe Mapisa-Nqakula kanye lomphathintambo wezomvikela uMnu Bongani Bongo.

UMugabe ubelabaphathintambo bakhe abagoqela obona ngezamabutho uMnu Sydney Sekeramayi lobona ngezomvikela uMnu Kembo Mohadi.

Iphephandaba leThe Herald lethule imifanekise yomhlangano lo, ongenwe langumfundisi weRoma eZimbabwe Fidelis Mukonori.

UMukonori ngomunye wabantu abazama ukukhulumisana loMugabe lebutho ukuze kulungisiswe ukuhlamukelwa kukaMugabe libutho.

Uzulu yena ukhangele ngelihlo lokhozi okwenzakalayo.

Ingcwethi kwezombusazwe uMnu Effie Dlela Ncube utshele iStudio 7 ukuthi noma sokutheni ibutho kalimelanga livume ukuthi uMugabe ebuyele embusweni.

please wait

No media source currently available

0:00 0:02:27 0:00
XS
SM
MD
LG