amalinks wokungena

Breaking News

‘Phansi loMugabe Phansi! Sithi Kaphume Aphele Embusweni.’


‘Phansi loMugabe phansi! Sithi kaphume aphele embusweni.’

Lawa ngamazwi ayethulwe yizikhulumi ezisemhlanganweni omkhulu osaqhubekayo eHarare ongenwe zinkulungwane lenkulungwane zabantu.

Asebekhulumile bagoqela owake waba ngumphathintambo wezemali uMnu Patrick Chinasama yena othe ibandla lakhe leZanu PF lifuna uMugabe ayehle embusweni ngokutshetsha.

UChinamasa uthe njalo uNkosikazi Grace Mugabe kumele ahlaziywe kakuhle athonisiswe emthethwandaba ngoba elamacala amanengi.

Umkhokheli webandla leNational People’s Party uNkosikazi Joice Mujuru laye uthe uMugabe kumele ayehle embusweni ngokuphangisa ngoba esebulele ilizwe.

Lawa ngamazwi agcizelelwe ngunobhala jikelele weMDC-T uMnu Douglas Mwonzora.

Abanye abakhulumileyo bagoqela olwela amalungelo oluntu uNkosazana Vimbai Musvaburi, uMfundisi Evan Mawarire loLumumba Lumumba.

UKhulumile laye Patson Dzamara wakhumbuza abantu ngokunyamalala kukamnewabo uItai Dzamara esithi kuyiwa phambili, uzulu kumele ebambane njalo kube lokuxolelana.

UMugabe uvalelwe ngamasotsha ngemva kokugenqulwa embusweni ngoLwesithathu.

Usaqhubeka umhlano weHarare lo oqhutselwa eZimbabwe Grounds.

Facebook Forum

XS
SM
MD
LG