amalinks wokungena

Ukhale Wabongolela Umbhobho Kusilwa Amapholisa Endlini kaChihuri


Kuqhamuke ukulwisana phakathi kwamapholisa endlini kasikomitshi wamapholisa, uMnu Augustine Chihuri, ngoLwesithathu umbobho wakhala wahawula.

Abasiki bebunda bathi ukulwisana lokhu kuqale ngemva kokuba omunye osebenza endlini kaChihuri eseBorrowdale ebone ipholisa elilinda lindlu litshontsha wasetshela elinye ipholisa ebelisanda fika.

Ipholisa leli libikwa liqonde kumantshontsha yena olihlangabeze ngombhobho wayiqhunsa iFN yakhala yabongolela.

Iphephandaba leHerald libike ukuthi umpholisa obesedutshulwa uphange wabiza amanye amapholisa bazomhlasela umadubula bagombolozela indlu kodwa waqhubeka edubula baze bambopha esephelelwe zinhlamvu.

Engakabotshwa umadubula, yena olipholisa leSupport Unit, ubikwa elumathise indlu kaChihuri ngomlilo yatsha kwatshabalala impahla enengi.

Facebook Forum

XS
SM
MD
LG