amalinks wokungena

Breaking News

MDC-T Khupe: Sikhethe uMasarira Ngemva Kokuguqula Umthethosisekelo Webandla


Ibandla leMDC-T elikhokhelwa nguNkosazana Thokozani Khupe lithi ukukhethwa kwesikhulumeli salo uNkosazana Linda Masarira kwenziwe ngemva kokuba liguqule isisekelo salo sombuso.

Ibandla leli lethule ingcazelo le ngeSonto ngemva kokuchothozwa ngabanye babasekeli balo besithi uMasarira kayisilolunga leMDC-T; ngakho ubengamelanga engene kulesisikhundla.

UMasarira ukhethwe emhlanganweni weCongress oqhutshelwe koBulawayo lapho uMaKhupe akhethwe khona ukuba ngumholi webandla esekelwa nguMnu Obert Gutu.

Bathi njalo abanye abakhethiweyo akade bengamelanga baphiwe izikhundla nguMnu Nixon Nyikadzino yena osengunobhala jikelele webandla kanye lomabhalane wogatsha lwabesifazana uLynette Mudhewe.

Kodwa embikweni eliwethula izolo lelibandla lithe abathathu laba bakhethwe ngokusemthethweni njalo bangamalunga.

Lithi ngaphandle kwalokho, liguqule isisekelo salo savumela ikakhulu uNkosazana Masarira ukuthi abe lesikhundla.

“Siguqule isisekelo sebandla ukuthi sivumele abantu abakungatsha zempilo ezitshiyeneyo, amaspecial interest groups, ukuthi babe lezikhundla,” kutshi isikhulumeli sikaMaKhupe uMnu Witness Dube.

“Yikho lapho okungene khona uLinda Masarira. Ngaphandle kwalokho, uvele ubelilunga lebandla kusukela ibandla leMDC lisungulwa. Kodwa ubengasekeli inandla okusobala ngoba njengabanengi ubephatheke kubi ngobekusenzakala kubandla.”

UDube uthe uMasarira ngumuntu odume kakhulu ngokulwela amalungelo abesifazana, yikho okwenze kwaba lula kubo ukuthi bamuphe isikhundla.

please wait

No media source currently available

0:00 0:02:03 0:00
XS
SM
MD
LG