amalinks wokungena

Breaking News

Ayaphithizela Amalunga eZanu PF Ngaphambilini KwamaPrimaries


UMnu Dingumuzi Phuti lilunga leZanu PF elifuna ukuba ngumeli weBulilima West edale lephalamende

Amalunga eZanu PF ayaphithizela elizweni lonke edinga usekelo kubalandeli balelibandla ngaphambilini kokhetho lwama-primaries oluzakwenziwa ngeSonto.

Ukhetho lolu ngolokudinga abazamela lelibandla kukhetho lwamakhansila lamalunga edale lephalamande oluzakwenziwa yiloba nini phakathi kukaNtulikazi 21, kusiya ku 21 Ncwabakazi.

Omunye wabazancintisa edinga ukuba ngumeli weBulilima West ephalamende nguMnu Dingumuzi Phuti.

UMnu Phuti uzangqikilana loMnu Lungisani Nleya onguye umeli walesisigaba okwamanje.

UPhuti utshele umsakazo weStudio 7 ukuthi ngolwazi kanye lobuciko aselabo ngendaba zombusazwe lezinye nje inhlangothi zempilo, nguye olungele ukuba ngumeli weBulilima West.

Uthi zinengi inhlelo zentuthuko azaziletha kulesisigaba ezigoqela ukulungisa imigwaqo, ukwakha izibhedlela lokuthuthukisa ezivele zikhona.

UPhuti uthi uzakwenza lokhu ngokusebenzelana lenhlanganiso eziphathisa ngezimali zentuthuko kanye labatshali bezimali.

please wait

No media source currently available

0:00 0:04:34 0:00

Facebook Forum

XS
SM
MD
LG