Umbukiso walonyaka wezamabhizimusi lokuthengiselana oweZimbabwe International Trade Fair uzavulwa namuhla ngokusemthethweni nguMongameli Emmerson Mnangagwa.
Umbukiso lo, oqhutshwa kanye ngomnyaka, uqale ngoLwesibili edolobheni lakoBulawayo njalo uphela ngoMgqibelo.
Osomabhizimusi ababukisa lonyaka babikwa bebanenganyana ukwedlula eminyakeni edluleyo kusabusa uMnu Robert Mugabe.
UMnangagwa ukhangelelwe ukukhuthaza abatshali bezimali kanye labosomabhizimusi bakwamanye amazwe ukuthi bazevula amabhizimusi eZimbabwe.
Kodwa ingcwethi ecubungula ezenotho uMnu Masimba Kuchera ukuthi kulemithetho engalunganga exotsha abatshali bezimali emele ilungisiswe.
Wengeze wathi osomabhizimusi abanengi kabakafuni ukuza eZimbabwe ngoba besamelele ukubona ukuthi ukhetho luzahamba njani.
