amalinks wokungena

Breaking News

Ababalisi Bathi Bazakhalala Umsebenzi Kungelani Lokwethuselwa Nguhulumende


Enye yenhlanganiso ezimela ababalisi iZimbabwe Teachers Association (ZIMTA), ithi ababalisi bazakhalala umsebenzi ekuvulweni kwezikolo ngeviki ezayo njengokuhlela kwabo lanxa besethuselwa nguhulumende.

Umphathintambo obona ngokwenzakala ehofisini kaMongameli Emmerson Mnangagwa uMnu Simbarashe Mumbegwegwi nguye okhiphe umbiko exwayisa ababalisi ukuthi ukukhalala umsebenzi kwabo lokhu akukho emthethweni.

Kodwa unobhala jikelele weZIMTA uMnu Tapson Nganunu Sibanda uthi kababuyela emuva njalo kabasoze bevume ukwethuselwa.

“Kuqakathekile ukuthi uzulu abekwazi ukuthi kusukela mhlaka 8 kulinyanga lapho okuzavulwa khona izikolo ababalisi kamasoze baye emakilasini,” kutsho uMnu Sibanda.

IZIMTA ithethe isinqumo sokukhalala umsebenzi emhlanganweni ewenzele eVIctoria Falls kunsukwana ezedluleyo.

UMnu Sibanda uthe uhulumende nxa efuna ukukhulumisana labo, bazakwenza lokhu bekhalale umsebenzi.

please wait

No media source currently available

0:00 0:01:49 0:00

Facebook Forum

XS
SM
MD
LG