amalinks wokungena

Breaking News

'Usenga Ezimithiyo uMnangagwa Ngesikwelede seBhilithani'


Ezinye ingcwethi kwezombusazwe zithi uMongameli Emmerson Mnangagwa usenga ezimithiyo ngokuthembisa ukuqeda udubo lokusilela kwemali elizweni ngesikwelede esivela kweleBhilithani.

Uhulumende waseBhilithani wazise ngeviki edluleyo ukuthi uzakweledisa eleZimbabwe imali eyizigidi ezilikhulu yokuvuselela amankampani azimeleyo.

Khepha uMnangagwa utshele abasekeli bezanu PF emhlanganweni wokukhankasela ukhetho ngoMgqibelo ukuthi imali le izaluqeda du udubo lokusilela kwemali emabhanga.

Isikwelede lesi siqoqwa lugatsha lweBhilithani olukhangelane lokuthuthukiswa kwamabhizimusi ezwekazi leAfrica leleSouth Asia, olweCDC luncedisana lebhanga leStandard Chartered.

Inengi liyazibuza ukuthi njengoba imali le ingeyokweboleka amankampani azimeleyo, udubo lwemali emabhanga izaluqeda njani?

Khona yanele na i$100 million ukulungisisa ukusilela kwemali elizweni? "Hatshi," kutsho ingcwethi kwezombusazwe uMnu Effie Dlela Ncube.

UNcube utshele iStudio 7 ukuthi imali le kayiqondananga lokulungisisa udubo lokusilela kwemali elizweni.

Wengeze wathi lanxa kuyikuthi ikhangelane lalowo msebenzi, incane kakhulu.

"Esikubonayo lapha yikuthi uMnangagwa usesebenzisa limali ukudinga usekelo njengoba kuyiwa kukhetho nje. Kodwa angiliboni iqiniso alikhulumayo," kutsho uMnu Ncube.

please wait

No media source currently available

0:00 0:03:35 0:00

Facebook Forum

XS
SM
MD
LG