amalinks wokungena

Breaking News

Uhamba Kuhle Umkhankaso Wethu, Kutsho iMDC-T kaMaKhupe


Ibandla leMDC-T elikhokhelwa nguNkosazana Thokozani Khupe lithi umkhankaso walo wokudinga usekelo ngaphambilini kokhetho uhamba kuhle.

Umgcinisihlalo walelibandla uMnu Abednico Bhbehe, ongumeli njalo weNkayi South edale lephalamende uthi bagcwele yonke indawo bekhuthaza uzulu ukuthi abavotele ngobunengi.

UMnu Bhebhe utshele iStudio 7 ukuthi ikakhulu esigabeni sakhe, abantu balulindile ngamehlo abomvu lolukhetho.

“Okupha abantu abanengi umdlandla yikuthi sikhankasela ukuthi abantu bezibuse, lokhu okuthiwa yi-devoluton ngesingisi. Abantu bayakwamukela lokho,” kutsho uMnu Bhebhe.

UMnu Bhebhe uzancintisana loNkosazana Stars Mathe owebandla leZanu PF.

Akukaziwa ukuthi amanye amabandla agoqela eleMDC-T elikhokhelwa nguMnu Nelson Chamisa azancintisa yini lawo eNkayi South.

NgoMgqibelo iMDC-T kaMaKhupe iyangekile kakhulu ngemva kokuba kuze abantu abalutshwana emkhosini wayo wokwethula i-manifesto yayo esigodlweni, iHarare.

please wait

No media source currently available

0:00 0:04:22 0:00

Facebook Forum

XS
SM
MD
LG