amalinks wokungena

Breaking News

UMongameli Mnangagwa Uxotsha uMnu Webster 'Cremora' Shamu Kuhulumende


Obengumphathintambo obona ngokwenzakala esigabeni seMashonaland West uMnu Webster Shamu uxotshwe umsebenzi nguMongameli Emmerson Mnangagwa ngoMvulo.

Lanxa uMnangagwa engaphanga izizatho ngenyathelo lakhe, abanye bathi unakanela ukuthi uShamu lilunga leG40, okulicele leZanu PF elalilwisana laye likhokhelwa nguNkosikazi Grace Mugabe.

Kodwa abanye bathi kungenzeka njalo ukuthi uShamu engaba exotshelwe icala aletheswayo elokuqilibezela kukhetho lweZanu PF, olwama-primaries, kumaviki amabili edluleyo.

UMnu Shamu ubesaziwa ngokuba yisikhothamathe sikaMnu Robert Mugabe esanguMongameli emchaza ngendlela ezinengi ezimhayayo zimphakamisa.

Wake wachaza uMugabe njengeCremora. Abangayaziyo, iCremora luchago lwempuphu olufakwa etiyeni olukhwabithwa ngabanengi.

“Kusukela kudala ubudlelwano babantu laba bebuvele bulokhophe ngoba uShamu ubesaziwa njengomunye wabalandeli bakaMugabe abaguqa phambi kwakhe sikhathi sonke,” kutsho ingcwethi kwezombusazwe uDr. Brilliant Mhlanga.

“Ucine vele esecatshangelwa ukuthi ungomunye wabantu beG40, yikho nje engazange wadlelana kuhle loMnangagwa. Kungaba njalo licala lokudlelezela kukhetho aletheswayo.”

please wait

No media source currently available

0:00 0:04:10 0:00

Facebook Forum

XS
SM
MD
LG