amalinks wokungena

Breaking News

UChamisa Usola Izikliwi Zebandla Lakhe Ezithuke uMaKhupe Ngokuthi Ulikhikhitha


Umkhokheli welinye lamacele eMDC-T uMnu Nelson Chamisa usesole abasekeli bebandla lakhe abahlambaze uNkosazana Thokozani Khupe ngokuthi ulikhikhitha.

Abasekeli bakaChamisa laba bathuke uMaKhupe ngoLwesibili phambi komthethwandaba lapho obekuthethwa khona udaba lokubangisana ibandla phakathi kukaMnu Chamisa loMaKhupe.

Embikweni awethule ngoLwesithathu, uChamisa uthe kayisuye obethume abantu laba njalo abakwenzileyo kulihlazo elikhulu.

Wengeze wathi kungatholakala ukuthi ngempela ngabasekeli bebandla lakhe, bazajesizwa kabuhlungu.

“Akekho umuntu omele ahlambazwe ngalindlela, ngitsho longavumelani laye kwezombusazwe,” kutsho uMnu Chamisa.

Kodwa abanengi bathi kababuboni ubuqotho emazwini kaMnu Chamisa ngoba eke wathembisa ukujezisa abasekeli bebandla lakhe abatshaya uMaKhupe emfeni kaMnu Morgan Tsvangirai, kepha wangenzi lutho.

“Phakathi kwamapikitsha abantu ababethethisa uThokozani Khupe kulonkazana okuthiwa nguJohanna Mamombe,” kutsho ingcwethi ehlaziya ezombusazwe uMnu Zenzele Ndebele.

“Nxa eqinisile uChamisa kumele aqale ngokuxotsha yena uMamombe lowo ngoba eseveziwe ukuthi laye wayekhona.”

please wait

No media source currently available

0:00 0:03:08 0:00

Facebook Forum

XS
SM
MD
LG