amalinks wokungena

Breaking News

Kabasabuquthi eCowdray Park Ngontikolotshi Oxhwalileyo Otshaya Abantu Ngitsho Lasemini Libalele


Untikolotshi ololaka olumangalisayo osethwalise izakhamizi zeCowdray Park nzima ubikwa ehlasele ngamandla ngoLwesibili watshaya abantu abane abagoqela omunye owesilisa otshaywe imbambo ngembokodo.

Isiga lesi senzakala kuhlangothi lwalelilokitshi okwahlaliswa khona abantu nguhulumende phansi kohlelo lwakhe lweGarikai/Hlalani Kuhle.

Kodwa ayisekho inhlalakahle kulelilokitshi nanku izakhamizi zithi kulento engabonakaliyo ejika amatshe ibulala amafasitela ezindlini njalo ibhoboza ama-asbestors.

Izindlu ezinengi zilamafasitela afileyo njalo phezulu sezizimbobombobo.

Udubo lolu luqale kunsukwana ezedluleyo, okubangele ukuthi izakhamizi ziyedinga abaphorofethi ababuye bengasadlanga nkotshana ngoMvulo kodwa behluleka ukuyikhipha linto.

please wait

No media source currently available

0:00 0:06:40 0:00

Abaprofethi laba bathe into le ngeyomunye owesilisa ogama lakhe nguMnu Tito Gumbo. Kodwa ukulandule lokhu uGumbo.

“Kuzavela sobala kusasa ukuthi into le ngekabani. Mina kayisiyo yami njalo angikaze ngifuye into enjalo. Bahambile endlini yami bakuswela,” kutsho uMnu Gumbo.

Omunye wabapforethi laba ubikwa etshayiwe laye wopha igazi esiphundu.

Bekulembiko ekuthi abaprofethi laba babotshiwe ngoLwesibili. Kodwa asenelisanga ukukhulumisana lamapholisa ngaloludaba.

Khepha izakhamizi zihambe zayadinga omunye njalo umprofethi obikwa eyingqwele elolwazi olujulileyo ekukhipheni ontikolotshi, uSiziba.

USiziba uzalala elomlindelo eCowdray Park abe esehlasela ekuseni kusasa ngehola lesitshiyagalombili.

“Into le iqhubeke itshaya abantu namuhla okuyinto. Ngikhuluma nje mina ngithe ngivela emsebenzin kwangitshaya imbambo,” kutsho isakhamuzi uMnu Promise Gondwe yena owatshayelwa njalo indlu yabulawa amafasitela.

Amazwi kaGondwe agcizelelwe ngukhansila weCowdray Park uMnu Collet Ndlovu yena othe untikolotshi lo uxhwalile kakhulu. Kodwa uthe umthembile uSiziba ukuthi ukumbamba xhaka kusasa.

Facebook Forum

XS
SM
MD
LG