amalinks wokungena

Breaking News

Ukhetho Luzakwenziwa Mhlaka 30 ngoNtulikazi, Kubika uMnangagwa


UMnu Nelson Chamisa loMongameli Emmerson Mnangagwa

UMongameli Emmerson Mnangagwa wazise namuhla ukuthi ukhetho luzakwenziwa mhlaka 30 ngoNtulikazi.

Ukhetho lolu ngolokudinga uMongameli welizwe, amalunga edale lephalamende kanye lamakhansila njalo luzakwenziwa kanye-kanye.

Umthethwandaba owamukela amaphepha abancintisayo oweNomination Court wona uzahlala mhlaka 14 ngoNhlangula.

UMnangagwa wazise njalo ukuthi nxa kungasabanga lomuntu onqobileyo kukhetho lukaMongameli, lolukhetho luzaphindwa (run-off) mhlaka 8 ngenyanga kaMpandula.

please wait

No media source currently available

0:00 0:04:33 0:00

Ukuze umuntu oncintisayo abe nguMongameli weZimbabwe kumele anqobe ngesilinganiso sokungamatshumi amahlanu lanye ekhulwini kumbe okwedlula khonapho.

Kukhetho luka2008 uMnu Robert Mugabe lomuyi uMnu Morgan Tsvangirai behluleka ukufika kulesi silinganiso, okwabangela ukuthi ukhetho luphindwe.

Kodwa uTsvangirai wacina engasangenanga kumphehlo ngenxa yodlakela olwalubangelwa nguMugabe labasekeli bebandla lakhe leZanu PF.

Kusenjalo, iConstitutional Court inqume namuhla ukuthi ukuthethwa kodaba lokuthi izizalwane zeZimbabwe ezihlala kwamanye amazwe kumele zivunyelwe ukuvota zikulawo mazwe belungalungelanga ukuthethwa ngokugxilileyo.

Lokhu kutsho ukuthi izizalwane zeZimbabwe ezikwamanye amazwe lezi kazisoze zivote zikulawo mazwe kukhetho lukaNtulikazi.

Abafuna ukuvota kuzamele babuyele ekhaya nxa babhalisela ukuvota. Abantu ababhalisela ukuvota kulolukhetho bayizigizi ezinhlanu lengxenye; ngokutsho kweZimbabwe Electoral Commission.

Facebook Forum

XS
SM
MD
LG