amalinks wokungena

Breaking News

Amapholisa Avumela Ukutshengisela Komanyano weMDC Alliance ngoLwesibili


Amapholisa ngoMvulo aphe umanyano weMDC Alliance imvumo yokutshengisela ezitaladeni zeHarare ngoLwesibili phezu kwezikhalazo zawo othi kumele zilungisiswe kungakenziwa ukhetho.

Umanyano lo ukhonona ngezinto ezitshiyeneyo ezigoqela ukungaphiwa ugwalo lwamabizo abantu abazavota, i-voters roll, ukungenela kwebutho kwezokhetho kanye lokungaphiwa isikhathi emisakazweni kahulumende.

“Kusasa sizatshengisela ngokuthula sisuka eAfrica Unity Square sisiya emahofisini eZEC sisiyabanikeza incwadi yokusola indlela abaphethe ngayo amalungiselelo okhetho besesisiya emahofisini kaMnangagwa,” kutsho isiphathamandla seMDC-T uMnu Amos Chibaya.

“Iphepha lokuvota lokuthi lilungiswa ngubani njalo owangaphi kumele kucaciswe. I-Voters’ Roll layo isahlupha; lezi ngezinye zezinto esifuna zilungisiswe.”

please wait

No media source currently available

0:00 0:04:46 0:00

Isiphathamanda seMDC Alliance uMnu Tendai Biti uveze ngeviki edluleyo ukuthi nxa uhulumende engala kokuphela ukulungisisa izikhalazo zabo, kabasoze bavume ukuthi ukhetho lwenziwe.

Lanxa lumanyano ukhuthaza uzulu ukuthi aphatheke ngobunengi ekutshengiseleni kwangoLwesibili lokhu, abanye bathi kababoni kuphathisa ngalutho.

Omunye wabo ngocubungula ezombusazwe uMnu Sipho Dube.

“I-demonstration efuna ukwenziwa libandla leMDC le eyila njongo ebambekayo. Ayisiyonto esiyikhangeleleyo okwakhathesi,” kutsho uDube.

Amazwi kaMnu Dube asekelwe ngumbalisi eUniversity of Zimbabwe uMnu Morgan Sibindi yena othe iMDC Alliance kumele izilungiselele ukuphatheka kukhetho phansi kwemithetho ekhona.

“Akuncedi ukuthi batshengisele sokusela amalanga angaphansi kwe60 ukuthi kwenziwe ukhetho,” kutsho uSibindi.

Eminyakeni edluleyo ibandla leMDC-T lisakhokhelwa ngumuyi, uMnu Morgan Tsvangirai, lalizama ukubiza abantu ukuthi bayetshengisela kodwa kuhambe abalutshwana kakhulu.

Ingcwethi kwezombusazwe, uMnu Zenzele Ndebele utshele iStudio 7 ukuthi kusasa kuzakuba lithuba lokuthi uChamisa atshengisele ukuthi uyenelisa na ukukhokhela abantu bamlalele.

please wait

No media source currently available

0:00 0:02:18 0:00
XS
SM
MD
LG