WASHINGTON DC —
UMongameli weMelika uMnu Donald Trump uhlangane losowabo wakweleNorth Korea uMnu Kim Jong Un ngoLwesibili eSingapore bekhulumisana ngezikhali zembubhiso ezilungisa yiNorth Korea.
Lokhu ngokwakuqala ukuthi abakhokheli bamazwe womabili bahlangane. Amazwe la alembali yenzondano lokungethembani.
EleMelika lifuna eleNorth Korea litshiyane lohlelo lwalo lokulungisa izikhali zembubhiso, ama-nuclear weapons njalo lichithe zonke elilazo.
Akwaziwa ukuthi uMongameli Kim uzakuvuma yini lokhu. Kodwa nguye ophehle inkulumo lezi ngokumema uMongameli Trump.
Ekhuluma lentathelizindaba ngemva kwehlanhla lakuqala lalezinkulumo eSingapore ekuseni uTrump uthe umhlangano lo, wona osaqhubekayo, uhamba kuhle.