amalinks wokungena

Breaking News

MDC-T Khupe: Kasenelisi Ukukhankasela Ukhetho Ngoba Kasilamali


Ibandla leMDC-T elikhokhelwa nguNkosazana Thokozani Khupe lithi kalenelisi ukwenza imihlangano lozulu ngoba izikhwama zalo zibhobokile.

Selokhu libe libandla elizimeleyo kulandela ukwehlukana kwalo lecele elikhokhelwa nguMnu Nelson Chamisa ngoMabasa, icele likaMaKhupe alikaze libe lomhlangano wokukhankasela ukhetho lozulu.

Isicukuthwane salelibandla uMnu Witness Dube, yena ozancintisa edinga ukumela iMagwegwe edale lephalamende utshele iStudio 7 ukuthi luyabaxaka kakhulu udaba lwemali.

Kodwa uthe bazaqhubeka bekhankasa ngokukhulumisana lozulu ngendlela ezehlukeneyo. Wengeze wathi lemihlangano emikhulu izalandela.

Imali yeMDC-T ephiwa amabandla alamalunga ephalamende yathathwa licele elikhokhelwa nguChamisa, okuyinto eyacunula kakhulu icele likaMaKhupe.

please wait

No media source currently available

0:00 0:01:27 0:00

Facebook Forum

XS
SM
MD
LG