amalinks wokungena

Breaking News

'Abazahlola Ukhetho Luqhutshwa Kumele Baphuthume Baze'


UMnu Nelson Chamisa loMongameli Emmerson Mnangagwa

Abakwamanye amazwe abazahlola ukhetho kumele babe sebefikile eZimbabwe khathesi ukuze babone konke okwenzakalayo okuzabapha umfanekiso opheleleyo emaphethelweni ekuthini batsho ukuthi ukhetho belukhululekile na kumbe hatshi.

Le yimbono yezakhamizi zeHarare ezinengi ezithi abakwamanye amazwe laba kumele njalo babhode ngelizwe lonke becubungula umumo ngitsho lasemaphandleni.

“Abazahlola ukhetho lolu akumelanga belalele uhulumende kodwa abancintisanayo ngenxa yokuthi bengabayizithunjwa zikahulumende kabasoze benelise ukufika kwezinye indawo okuyabe kulezehlakalo okuyabe kumele zinanzelelwe,” kutsho isakhamuzi uMnu Tjenesani Ntungakwa.

UMongameli, Emmerson Mnangagwa wanxusa amazwe wonke angathanda ukuzohlola ukhetho lwalonyaka njalo sikhuluma nje, amazwe la aphakathi kokulungiselwa amaphepha awo yikomishini yezokhetho.

Esinye njalo isakhamuzi uMnu Ashleigh Pfunye uthe inhloli zokhetho zingahamba ngelanga lokuvota kazisoze zizibone izehlakalo zodlakela kumbe ukwethuselwe kwabantu okungabe kwenzakele.

“Okuqakathekileyo yikuthi beqale ngokuhlola isikhathi lesi singakavoti ngoba kudala babevele belanda ilanga lokuvota kodwa kunengi okuyabe sokwenzakele,” kutsho uPfunye.

please wait

No media source currently available

0:00 0:04:03 0:00

Facebook Forum

XS
SM
MD
LG