amalinks wokungena

Breaking News

EleEgypt leleMorocco Aphelelwa Ngumphako kuWorld Cup


AbeRussia emncintisweni wenkezo yeWorld Cup lapho iqembu labo selinqobe ele Egypt

Amazwe amele izwekazi leAfrica kumncintiswano woFIFA World Cup aqhuba nzima lapho amaqembu abalisa eleMorocco leleEgypt asephelelwe khona ngumphako ngemva kokutshaywa kumidlalo emibili eyezibaya.

Iqembu leMorocco linqotshwe nge1 ka 0 ngelePortugal emini ngoLwesithathu okutsho ukuba selinqotshwe kumidlalo yalo emibili eseliyidlalile. Latshaywa njalo yiIran nge1 ka 0.

Limpumela itsho ukuba iqembu leMorocco kalisenelisi ukudlulela kusigaba esilandelayo loba lingenelisa ukunqoba emdlalweni walo wokucina elizawudlala leleSpain ngoMvulo.

Iqembu leEgypt lalo linqotshwe kabili kodwa beselithandazela ukuthi amanye amaqembu akusibaya sikaGroup A aphazamisane ukuze lidlulele phambili.

Lokhu akusenzakalanga ngoba iqembu leSaudi Arabia lehlulekile ukukhulela eleUruguay, okutsho ukuba eleRussia leleUruguay yiwo azadlulela kusigaba esilandelayo.

Olandela limidlalo kumabonakude uMaqhawe Sibindi utshele iStudio 7 ukuthi amephule inhliziyo amazwe eAfrica.Amaqembu amele izwekazi leAfrica kawasheshi kakhulu, kawaqinanga abadlali bakhona kabagijimi. Mina ngithi iqembu leSpain lizathatha inkezo ngoba akulaqembu elidlala ukwedlula lona,” kutsho uSibindi.

Iqembu leSenegal elikusibaya sikaGroup H yilo elithembisa ukuba lingachapha kumidlalo yezibaya ngemva kokunqoba elePoland nge2 ka 1 kumdlalo walo wakuqala.

Lokhu kutsho ukuthi leliqembu lilemiklomelo emithathu ndawonye leleJapan elinqobe eleColombia nge2 ka 1.

Iqembu leSenegal lizadlala leleJapan ngempelaviki.

Amanye amaqembu eAfrica alokhe elamathuba okudlulela phambili loba nje enqotshwe kumdlalo wakuqala ngabalisa eleNigeria, lona elizadlala umdlalo walo wesibili kusibaya sikaGroup D ngoLwesihlanu.

EleTunisia, lona elikusibaya sikaGroup G lalo lisalamathuba njalo lizadlala leleBelgium kumdlalo walo wesibili owezibaya ngoMgqibelo.

please wait

No media source currently available

0:00 0:02:07 0:00

Facebook Forum

XS
SM
MD
LG