amalinks wokungena

Breaking News

Sicela Lisivotele Ngobunengi, Kukhalaza Abesifazane


Abesifazane abazancintisa kukhetho sebecele abanye babo ukuthi babavotele ngoba kuyibo, hatshi abesilisa, abangalungisisa zonke inkinga ezibahluphayo.

Omunye wabesifazane laba nguRejoice Nomalanga Ngulube odinga ukuba ngumeli weGoromonzi South edale lephalamende phansi kwebandla leUnited Democracy Movement elikhokhelwa nguNkosikazi Violet Mariyacha.

“Abantu beGoromonzi South ngibathembisa okokuqala sifuna isikolo sikahulumende simele sibe lekilinika ukwenzela even omama abafuna ukubeletha bangabi behlupheka ukuthi bagade imitshova besiya eTafara kumbe eMabvuku,” kutsho uNgulube.

UNkosazana Abigail Mupambi olilunga lomkhankaso we #This Constitution uthi ukubone kufanele ukuthi angene kulolukhetho edinga ukuba nguSanators phansi kweMDC Alliance endaweni yokuba abe elokhu ekhala ngokungaqhutshwa kuhle komsebenzi engaphandle kwenkundla yezombusazwe.

“Ngiyakhuthaza mina ukuthi lama leaders wonalawa akhona kuma-civic society, labakhokheli asebethe babona ukuqakatheka kokuthi omama kabangene, labo kabasukume bangene. Singabi lokhe sikhuza thina singaphandle, kuyahlupha khona lokho,” kutsho uMapambi.

XS
SM
MD
LG