amalinks wokungena

Breaking News

'UMnangagwa Uthenga Amavoti Ngenkomo eGwanda'


Amabandla aphikisayo sechothoze uMongameli Emmerson Mnangagwa esithi usebenzisa imali lempahla kahulumende ukuthenga amavoti.

Insolo le iza ngemva kokubana uMnangagwa eyabele uzulu weGwanda inkomo ngoLwesihlanu qede watshela izakhamizi ukuthi kumele zivotele iZanu PF nxa zifuna intuthuko enengi.

UMnangagwa wabele izakhazimi ezilikhulu lamatshumi amahlanu lanye, 151, inkomo ezifika inkulungwane phose ezimbili phansi kohlelo lukahulumende olweCommand Livestock.

Uthe eqeda lapho waya emhlanganweni wakhe wokukhankasela ukhetho enkundleni yePhelandaba lapho akhulume khona ngenkomo lezi watshela njalo izakhamizi ukuthi zivotele ibandla lakhe nxa zifuna intuthuko.

Le yinto esolwe ngabanengi abathi uMnangagwa usebenzisa impahla lemali kahulumende ukukhankasela ibandla lakhe nanku inkomo lezi zithengwe ngemali kazulu obhadala imithelo hatshi eyeZanu PF.

Omunye wabasole uMnangagwa yingcwethi ecubungula ezombusazwe uMnu Effie Dlela Ncube yena othi le yindlela yokuthenga amavoti esobala njalo engekho emthethweni.

please wait

No media source currently available

0:00 0:02:14 0:00

Kodwa ilunga leZanu PF njalo emela iPhelandaba-Mpopoma edale lephalamende uMnu Joseph Tshuma ukulandule ukuthi okwenziwe nguMnangagwa yikuthenga amavoti.

Facebook Forum

XS
SM
MD
LG