amalinks wokungena

Breaking News

Iphalamende yeMelika Ipasisa Inguquko Kumthetho weZIDERA


Uhulumende weMelika izolo upasise inguquko ezafakwa emthethweni wezijeziso zenotho ezetheswa amalunga eZanu PF yilelilizwe, oweZimbabwe Democracy and Economic Recovery Act.

Kulinguquko, epasiswe yikomidi yedale lephalamende ebona ngobudlelwano beMelika lamanye amazwe, uhulumende weMelika uthi ufuna ukudlelana kuhle leZimbabwe.

Kodwa uthi lokhu kungenzeka kuphela nxa eleZimbabwe lingaqhuba ukhetho olukhululekileyo njalo lidinge abantu abanyamalalayo phansi kukahulumende kaMugabe abathi uMnu Itai Dzamara, uMnu Paul Chizuze loPatrck Nabanyama.

Uthi njalo ibutho kumele lenqatshelwe ukungenela kwezombusazwe kanti njalo lekomishini yezokhetho iZimbabwe Electoral Commission (ZEC) kumele iqhube umsebenzi wayo ngobuqotho.

Abakhokhela imizamo yokuguqula umthetho weZIDERA lo nguSenator Jeff Flack loSenator Chris Coons bona abake bethekelela eZimbabwe kunyanga ezisanda kwedluleyo.

Facebook Forum

XS
SM
MD
LG