amalinks wokungena

Breaking News

UMaridadi loMajome Baxotshwa Kubandla leMDC-T


Jessie Majome

Ibandla leMDC-T elikhokhelwa nguMnu Nelson Chamisa ngoLwesihlanu lixotshe amalunga alo angene kukhetho ngenkani kumbe ezimele.

Abaxotshiweyo laba bagoqela umeli weMabvuku-Tafara edale lephalamende uMnu James Maridadi lomeli weHarare West edale elifanayo uNkosikazi Jessie Majome.

Umgcinisihlalo weMDC-T uMnu Morgan Nkomitshi utshele iStudio 7 ukuthi bonke abangene kukhetho phansi kweMDC Alliance bengavunyelwanga kumbe bezimele labo baxotshiwe.

“UMaridadi simxotshile ngoba sasimtshelile ukuthi engangeni kukhetho laye wavuma kodwa samangala esengenile,” kutsho uNkomichi.

“UNkosikazi Majome labo bonke abakwaziyo ukuthi kabamelanga babe bencintisa kulolukhetho phansi komanyano weMDC Alliance labo sibaxotshile.”

UMnu Nkomichi uqhubeke wathi njengeMDC-T, balibandla elilemithetho ecacileyo emele ilandelwe ngamalunga alo.

Manengi amalunga alelibandla engene kukhetho engamalunga azimeleyo ekhonona ngokuthi ama-primaries, lapho anqotshwa khona, kaqhutshwanga kuhle.

Facebook Forum

XS
SM
MD
LG