amalinks wokungena

Breaking News

Umtshutshisi Omkhulu uGoba Uxotshwa Umsebenzi


Umtshutshisi omkhulu kahulumende uMnu Ray Goba uxotshwe umsebeni ngoLwesihlanu.

UGoba wetheswa umlandu wokwehluleka ukutshutshisa kuhle amacala enkohlakalo etheswa abake baba yiziphathamandla zikahulumende kaMnu Robert Mugabe.

UMnu Goba wetheswa njalo icala lokungena kweleNamibia ngudlu, lapho abikwa engavunyelwa ukulugxoba. Akwaziwa ukuthi wawonani.

Ukuxotshwa kwakhe kuza ngesikhathi omunye wabetheswa amacala enkohlakalo uMnu Ignatias Chombo eselobele idale leHigh Court ecela ukuthi lilahlele khatshana amacala awetheswayo.

UChombo wayengumphathintambo wezemali kuhulumende kaMugabe njalo ubotshwe nyakenye amasotsha eze ehluthunele uMugabe intambo zombuso.

Igqwetha lakhe uMnu Lovemore Madhuku ufikise isicelo lesi enkantolo ngoLwesine.

Ingcwethi kwezombusazwe uMnu Effie Dlela Ncube utshele iStudio 7 ukuthi lanxa uGoba engaba elecala kungenzeka njalo ukuthi abe elecala.

please wait

No media source currently available

0:00 0:01:08 0:00

Facebook Forum

XS
SM
MD
LG