amalinks wokungena

Breaking News

Sibotshiwe Isidlova seZanu PF Esiqhunse Uvolovovo Emphakathini


Isidlova seZanu PF esihwatshe umbhobho sawuqhunsa emphakathini libalele ngeSonto simiswe enkantolo izolo sisetheswa icala lokwephuma umthetho weFirearms Act.

UTrevor Kudenga ukhululwe ngumthethwandaba kamantshi ngemva kokumhlawulisa amadola angamatshumi amahlanu esibambiso, i-bail.

Uzaphindela njalo emthethwandaba mhlaka 27.

UKudenga ubanjiswe yi-video ebigcwele enkundleni zokuxhumana emveze ebhema njalo ekhanya edakiwe ngesikhathi edubula uvolovolo elabanye bemtshotshozela besithi “nyika tatora.”

Wayegqoke isikipa esiluhlaza esilomfanekiso kaMongameli Emmerson Mnangagwa.

Isehlakalo lesi senzakala ngesikhathi kulembiko yokwethuselwa kwabantu ngabasekeli beZanu PF besithi lelibandla linganqotshwa kukhetho bazakubona okwabonwa yingidi.

Omunye wabasola isehlakalo lesi uMnu Difa Dube, yena olwela amalungelo oluntu, utshele iStudio 7 ukuthi uyakujabulela ukubotshwa kukaKudenga.

please wait
Embed

No media source currently available

0:00 0:02:40 0:00

Facebook Forum

XS
SM
MD
LG