amalinks wokungena

Breaking News

IZEC Iyahlehla Kudaba Lokuvota Kwabantu Bekhangelwe


Ikomishini yezokhetho yazise ngoLwesibili ukuthi isitshiyane lomthetho ebiwufakile obusithi abantu kumele bavote pephambi kweziphathamandla yazo lezamabandla ancintisayo, amapolling agents.

IZimbabwe Electoral Commission ihlehlele nyovana ngemva kokuhlaselwa ngamabandla aphikisayo esithi ukuvotela phambi kweziphathamanda kuzakwethusela abantu behluleke ukuvota bekhululekile.

Ngokunjalo, iZEC ithi isibuyela kundlela obekuvele kuvotwa ngayo lapho umuntu angena khona ebhokisini lokuvotela eyedwa, ipolling booth, avote engabonwa muntu.

Leli linyathelo elamukelwe zinhlanganiso ezizimeleyo ezigoqela iZimbabwe Election Support Network (ZESN) kanye lamabandla aphikisayo lanxa nje esithi kusakunengi okumele kwenziwe yiZEC ukuze ukhetho lube ngolukhululekileyo.

Isiphathamandla somanyano weMDC Alliance uNkosazana Thabitha Khumalo uthe iZEC kumele ilungisise izinto lezi njengoba sokusele amalanga ayisithupha kuphela ukuthi kuyiwe kukhetho.

Kusenjalo amapholisa ayalise iMDC Alliance ukuthi itshengisele emahofisini eZEC ngoLwesithathu isola indlela ikomishini le eqhuba ngayo amalungiselelo okhetho.

IMDC Alliance ibilobele amapholisa iwazisa ukuthi izatshengisela kusukela ngo10 O’clock ekuseni kusiya ku5 O’clock ntambama.

Kodwa amapholisa akwalile lokhu ngezizatho ezitshiyeneyo ezigoqela esokuthi umanyalo lo uke watshengisela njalo kumaviki asanda kwedlula.

please wait

No media source currently available

0:00 0:02:25 0:00

Facebook Forum

XS
SM
MD
LG