amalinks wokungena

Breaking News

Inengi Lithi iZEC Yeyamele Kuhlangothi lweZanu PF


Inengi labantu lithi ikomishini ebona ngokuqhutshwa kokhetho, iZimbabwe Electoral Commission, isebenza yeyamele kuhlangothi lweZanu PF.

Le yimpumela yocwaningo olwenziwe yinhlanganiso ekhankasela ukhetho olukhululekileyo, iZimbabwe Election Support Network (ZESN) eyethule ngoLwesithathu.

Inhlanganiso le ithi inani labantu abathi iZEC kayisebenzi izimele liqonge lisuka kusilinganiso sokulitshumi ekhulwini ngoMbimbitho laya kumatshumi amabili lanye kulinyanga.

Isilinganiso sabantu abakholelwa kuZEC sona sehlile sisuka kumatshumi ayisithupha ekhulwini ngesikhathi esifanayo saya kumatshumi amahlanu.

Ucwaningo lolu lufana lolwenziwe yiAfrobarometer ngeviki edluleyo oluveze ukuthi uzulu oyisilinganiso sokungamatshumi amathathu lane ekhulwini uthi ikomishni yezokhetho isebenza isekela iZanu PF.

Ingcwethi zithi ukubonakala kweZEC nguzulu ngalindlela yinto engalunganga ezabangela ukuthi inengi lingayamukeli impumela yokhetho nxa amabandla aphikisayo enganqotshwa.

Usikomitshi weZEC uMnu Qhubani Moyo utshele iStudio 7 ukuthi amabandla aphikisayo yiwo abangela ukuthi abantu babe lembono emibi ngekomishini yakhe ngokuhlala eyichothoza.

please wait

No media source currently available

0:00 0:02:06 0:00
XS
SM
MD
LG