Kulomongikazi osebenza esibhedlela sikahulumende eseBeitbridge District Hospital oxotshwe umsebenzi ngemva kokuchothoza uhulumende weZanu PF esithi nguye obangela zonke indumo eziselizweni.
Umkhokheli wesibhedlela lesi umise uNkosikazi Senzeni Klaasen umsebenzi kunsukwana ezedluleyo esithi wephule umthetho ngokusola uhulumende.
Amagqwetha akhankasela ukulondolozwa kwamalungelo oluntu aweZimbabwe Lawyers for Human Rights (ZLHR) ayasisola kakhulu isehlakalo lesi.
Athi njalo umongikazi lo sehlalela evalweni ngokwethuselwa ngamapholisa esithi alakho ukubulala abantwana bakhe.
Asenelisanga ukukhuluma lamapholisa kumbe iziphathamandla zogatsha lwezempilakahle ngaloludaba.
Kodwa olwela amalungelo oluntu uMnu Difa Dube utshele iStudio 7 ukuthi uNkosikazi Klaasen kamelanga axotshwe ngoba elelungelo lokukhuluma akufunayo njengazo zonke izizalwane weZimbabwe.
