amalinks wokungena

Breaking News

Ikhotheme iNdlovukazi Yomculo weSoul uAretha Franklin


Indlovukazi uAretha Franklin esekhonsathini eLos Angeles ngomnyaka ka2012

Umculi wakweleMelika odumileyo uAretha Franklin kasekho.

UFranklin, obesaziwa njengeNdlovukazi yomculo weSoul, ubhubhele emzini wakhe edolobheni leDetroit ngoLwesine ekuseni ngemva kokulwisana lomkhuhlane wemvukuzane okwesikhathi eside.

Ubeseleminyaka yokuzalwa engamatshumi ayisikhombisa lasithupha (76).

Ingoma adume ngazo zigoqela ethi "I Never Loved a Man (The Way I Love You),” “Day Dreaming,” “Respect,” lezinye ezinengi.

UFranklin ubethakazelelwa linengi labantu emhlabeni jikelele; eMelika ubehlanganisa imihlobo etshiyeneyo ngephimbo lakhe, okugoqela abamnyama labamhlophe.

Abanye abethule amazwi enduduzo emulini yakhe bagoqela uMongameli Donald Trump kanye loMnu Barack Obama.

“UAretha waphathisa kakhulu ekubaluleni isimo seMelika. Elizwini lakhe besiyithola imbali yethu. Sengathi ingalala ngokuthula iNdlovukazi yeSoul,” kutsho uObama embikweni awethule enkundleni yeTwitter.

Facebook Forum

XS
SM
MD
LG