amalinks wokungena

Breaking News

ConCourt: Sizakwethula Isinqumo Kudaba lukaChamisa ngoLwesihlanu


Umthethwandaba weConstitutional Court uhluze udaba lukaMnu Nelson Chamisa olokuphikisa impumela yokhetho lukaMongameli njalo uzakwethula isinqumo sawo ngoLwesihlanu.

Abahluleli balumthethwandaba bamukele ubufakazi obethulwe ngamagqwetha amela uMnu Chamisa, uMongameli Emmerson Mnangagwa kanye laweZimbabwe Electoral Commission (ZEC).

Evala ukuthethwa kodaba lolu, umahluli omkhulu uJustice Luke Malaba uveze ukuthi bazahluza ubufakazi lobu babe sebesethula isinqumo sabo ngoLwesihlanu kuliviki.

gqwetha likaChamisa uMnu Thabani Mpofu utshele inkantolo ukuthi kwaba lokuqilibezela okwenziwa yiZEC okwabangela ukuthi uMnangagwa anqobe.

Ngokunjalo, ucele umthethwandaba ukuthi wesule impumela yalolukhetho.

Kodwa igqwetha likaMnangagwa uMnu Lewis Uriri ukulandule ukuthi kwaba lokuqilibezela esithi uChamisa kalabo ubufakazi obukhomba lokhu.

please wait

No media source currently available

0:00 0:03:44 0:00

Igqwetha elimela iZEC, uMnu Tawanda Kanengoni yena ucele umthethwandaba ukuthi ulahle udaba lukaChamisa. Uthi kalula mnkantsho.

UKanengoni uvumile ukuthi baxubanisa amanani amavoti, kodwa uthe baphambanisa ngamavoti ayingcosana ayisilinganiso sokuyi 0, 1% ekhulwini kuphela.

Ingcwethi kwezombusazwe uMnu Dinizulu Macaphulana uthe lanxa igqwetha likaChamisa liyibeke kuhle indaba, kaboni umthethwandaba unquma ukuthi uChamisa nguye owanqobayo ngoba imithethwandaba yeZimbabwe isaziwa ngokusekela iZanu PF.

please wait

No media source currently available

0:00 0:02:56 0:00

Facebook Forum

XS
SM
MD
LG