Ibandla leZanu PF lithi liyasekela inyathelo elithethwe ngabalwa impi yenkululeko abathi ibizo legceke lendizamtshina ele Robert Gabriel Mugabe Airport kumele liguqulwe ngoba uMugabe usengumthengisi ocupha mgunu munye labaphikisa uhulumende.
Umsakazo weZBC ukhuphe umfanekiso kamgcinisihlalo webandla, uNkosikazi Oppah Muchinguri Kashiri esithi uMugabe nguye owayevele ekhuthaza ilizwe leMelika ukuthi lifakele ilizwe izijeziso zenotho.
Ekhuluma emkhosini munye, unobhala jikelele wenhlanganiso yama war vet, uMnu. Victor Matemadanda uthe ngaphandle kokususwa kwegama likaMugabe egcekeni lendizamtshina bafuna njalo uMugabe athathelwe amanye amapulazi alawo asale lelilodwa.
UMatemadanda uthi uMugabe ulamapulazi anganamatshumi amabili lantathu, 23, ngalokho kumele athathelelwe amanye asale lelilodwa njengaye wonke umuntu.