amalinks wokungena

Breaking News

UMnangagwa kuChamisa: Ngikhululekile Nxa Ufuna Sisebenze Sonke


UMnu Nelson Chamisa loMongameli Emmerson Mnangagwa

UMongameli Emmerson Mnangagwa uthi umnyango wakhe lezandla zakhe zivulekile ukwamukela uMnu Nelson Chamisa yiloba nini.

Ngamanye amazwe uMongameli Mnangagwa uthi uzimisele ukusebenzelana loChamisa ukuze kube lengqubelaphambili elizweni.

UMnangagwa wethule amazwe la enkundleni yeTwitter ngemva kwesinqumo senkantolo esokuthi wanqoba ngokuqotho kukhetho.

Kodwa akucaci ukuthi umema uChamisa ukuthi basebenzelane njani njalo ngayiphi indlela.

Ingcwethi kwezombusazwe uMnu Effie Dlela Ncube utshele iStudio 7 ngaphandle kokusebenzelana loChamisa, uMnangagwa eyedwa kasoze enelise ukuqhubekisela ilizwe phambili.

Kunjalo nje, amazwe akumanyano weEuropean Union (EU) kanye leleSwiterland athi isinqumo somthethwandaba lesi kumele sihlonitshwe nguye wonke umuntu.

Abameli bamazwe la eHarare bethule umbiko beqonqosela uhulumende njalo ukuthi atshiyane lokwephula amalungelo oluntu kanye lokuhlukuluza abamabandla aphikisayo.

please wait

No media source currently available

0:00 0:02:35 0:00

Facebook Forum

XS
SM
MD
LG