amalinks wokungena

Breaking News

UMongameli Trump Uthwaliswa Nzima Ngodaba Lwabalimi beSouth Africa Athi Bayabulawa


Umlini omhlophe
Umlini omhlophe

Kambe ele South Africa lizacina selingena kudaba lokuxotsha abalimi abamhlophe abanye bebulawa njengo lokhu okwenzakala eZimbabwe na?

Lokhu kube ludaba egudwini kuliviki ngema kokuba uMongameli Donald Trump weleMelika, ngemibiko yakhe enkundleni yokuxhumana ebulenjini eyeTwitter, ethe usethume iziphathamandla zikahulumende wakhe ukuthi ziyehlolisisa ngokubulawa kwabalimi abamhlophe kwele South Africa.

“Sengithume usibalukhulu wezamanye amazwe, uMnu. Mike Pompeo ukuthi ahluzisise udaba lokubulawa kwabelungu abanengi kwele South Africa,” kulobe uTrump.

Inhlanganiso ezimbalwa ezibalisa abezombusazwe kunye labamhlophe kwele South Africa zisole umbiko lo zisithi uTrump ukhuluma udaba angela lwazi ngalo.

Ukuhlaziya loludaba, uNomfundo Mkhize weStudio 7 uxoxe lengxwethi kwezemithetho umnu Lwazi Mtfhiyo ecingweni esecape town.

“Ngingahle ngikhomfeme ukuthi akula abelungu be South Africa ababulawayo,” kutsho u Mtfhiyo.

Uthi inhlanganiso ezilwela amalungelo kazulu eze South Africa lamazwe aphetsheya ziyakulandula lokhu.

U Mtfhiyo uthi okukhona yibugebengu kodwa abuqondiswango kwabamhlophe kuphela kodwa labesnundu labo bahlaselwe yibugebengu lobu. Uthi abamnyana yibo abahlaselwe kakhulu yibugebengu lobu.

Ulandule ukuthi kulomthetho othi abemhlophe bathathelwe umhlaba.

“Okokuqala kuyasihlekisa ukuthi akulamthetho othi akuphucwe abelungu umhlaba baze bangakhokhelwa. Akulanto enjalo,” kutsho u Mtfhiyo.

please wait

No media source currently available

0:00 0:03:03 0:00

XS
SM
MD
LG