WASHINGTON DC —
Inhloko kahulumende waseBhilithane uNkosikazi Theresa May uthi uMongameli Emmerson Mnangagwa ulomlandu omkhulu wokuvuselela ilizwe ngokuhlonipha amalungelo oluntu lokuguqula imikhuba lemikhutshana emibi yayizolo.
UNkosikazi May wethule amazwi la ekweleSouth Africa ingoLwesibili.
Wengeze wathi ukukhethwa kwekomishini ezacwayisisa ukubulawa kwabantu libutho eHarare ngemva kokhetho linyathelo eliqakathekileyo elilakho ukuletha ingqubelaphambili.
UNkosikazi May uphakathi kokwethekelela amazwe amathathu aseAfrica abalisa yona iSouth Africa, iNigeria kanye leKenya.
Ingcwethi ecubungula ezombusazwe uMnu Effie Dlela Ncube utshele iStudio 7 ukuthi amazwi kaMay akhomba ukuthi usezimisele ukudlelana kuhle lohulumende weZimbabwe.