amalinks wokungena

Breaking News

UMnangagwa Uya Emhlanganweni Wokuthengiselana Phakathi kweChina leAfrica


UMongameli Emmerson Mnangagwa ubekhangelelwe ukusuka elizweni ngoLwesine elubhekise kweleChina ukuyaphatheka emhlanganweni wezamabhizimusi phakathi oweForum on China-Africa Cooperation.

Umhlangano lo uqala ngoMgqibelo njalo injongo yawo emqoka ngeyokuqinisa ubudlelwano kwezamabhizimusi lakunhlelo zentuthuko phakathi kweleChina lamazwe asezwekazi leAfrica.

UMnangagwa uzahlangana loMongameli weleChina uMnu Xi Jinping emhlanganweni lo bekhulumisana ngobudlelwano phakathi kwamazwe abo.

Amazwe womabili la alezivumelwano ezinengi azilobelana kwezenotho ngesikhathi kusabusa uMnu Robert Mugabe.

Ukuhlaziya uhambo lukaMongameli Mnangagwa lolu sixoxe lengcwethi kwezenotho uMnu Rejoice Ngwenya yena othi uMnangagwa kumele ahambe lengcwethi kwezamabhizimusi ezizamncedisa ekusayineni izivumelwano ezilomnkantsho.

please wait

No media source currently available

0:00 0:02:23 0:00

Facebook Forum

XS
SM
MD
LG