amalinks wokungena

Breaking News

Umkhuhlane weCholera Usuhlasele Abantu Abathathu koBulawayo


Umkhuhlane weCholera usufikile koBulawayo lapho okulabantu abathathu asebehlukaniswe lomphakathi abacatshangelwa ukuthi balawo.

Lokhu kuza ngesikhathi uhulumende esithi inani labantu asebebulewe yilumkhuhlane seliqonge lafika kumatshomi phose amathathu, 28.

Umkhuhlane weCholera uqale eHarare emalokitshini amabili abalisa eleGlen View leleBudiriro kunsukwana ezimbalwa ezedluleyo.

Ngaphandle kweHarare lakoBulawayo, ubikwa ususabalele njalo wafika eMidlands, eMasvingo, eManicaland, eMashonaland Central laseMashonaland East.

Abomanyano wenhlanganiso zamagqwetha alwela amalungelo oluntu bathi bazimisele ukusiza imuli zabalahlekelwe yizihlobo labangane ngenxa yeCholera ngokudonsela uhulumende emthethwandaba ukuze zihlawulwe.

Inhlanganiso lezi zithi zizakwenza lokhu zisebenza phansi komanyano weCivil Society Health Emergency Response Coordinating Committee.

Umqondisi weZLHR uNkosazana Rose Hanzu uthi balindele uzulu ukuba alethe izikhalazo zakhe andubana bathathele uhulumende amanyathelo.

“Isisekelo sombuso sicacile; kulelungelo lokuba umuntu ahlale endaweni ehlanzekileyo. Kodwa nxa impompi ethwala ingcekeza ithe yadabuka, kusobala ukuba kawukho endaweni ehlanzekileyo,” kutsho uNkosazana Hanzu.

“Nxa unganelisi ukuthola amanzi ahlanzekileyo, uyanelisa ukusa iziphathamandla edale ukuba batsho ukuba kungani kungaleyo ndlela.”

please wait

No media source currently available

0:00 0:04:14 0:00

Facebook Forum

XS
SM
MD
LG