amalinks wokungena

Breaking News

Kanti Vele Abantu Besigaba seMatabeleland Bavota Bengalani Lomuntu Kodwa Ibandla Lakhe Kuphela?


UMnu. Joseph Tshuma

Namhla sisungula uhlelo lapho esikhangela khona indlela eyavotwa ngayo yizakhamizi zeMatabeleland lokuthi kanti vele kungani izakhamizi zavota njalo.

Umqalisiziba nguMnu. Joseph Tshuma owayemela isigaba sePelandaba Mpopoma wanqotshwa nguMnu. Charles Moyo owomanyano we MDC Alliance.

UTshuma uthi abantu bavota bengakhangelanga umuntu mathupha kodwa bakhangela ibandla lakhe kungakhathalekile ukuthi umuntu wakhona ukhanya ekhaliphile na.

“Okokuqala ungakunanzelela abantu abavotayo ayisibo bako Bulawayo ngabantu bokuza ababuyayo bexotshwa khonale abavela khona ngenxa yokuthi babezonda ibandla lami le ZanuPF,” kutsho uTshuma.

Uthi abanye bafika beloja bazebathenga lezindulu besithi abasoze bamvotele uTshuma ngoba besithi ugqoke ibhatshi elingayisilo.

Uthi kukhona okunengi okuhle akwenzayo ngesikhathi engummeli wedale lephalamende kodwa konke lokhu abantu abakukhangelanga.

Ephendula umbuzo wokuthi kanti kungani ibandla le Zanu PF lanqoba esigabeni seMatabelaland South uTshuma uthi: “Even khona ngale eMatebeleland South ungakhangela kusemakhaya. IZanu PF iyaphaabantu umhlaba njalo mnyaka ngomnyaka iyalandelela isiyabona ukuthi abantu bayathola konke abakufunayo, ibanika inhlanyelo, ifertilize lokunye.”

UTshuma uthi abantu bemakahaya bayayithola yonke into abayifunayo kodwa emadolobheni akula misebenzi okwenza abantu basole ibandla leli.

please wait

No media source currently available

0:00 0:05:40 0:00

Facebook Forum

XS
SM
MD
LG