amalinks wokungena

Breaking News

'Asikho Isidingo Sokuguqula Isisekelo Sombuso Phezu Kombuso Wezabelo'


Uzulu weZimbabwe uthi ulokuthandabuza phezu kwemizamo kahulumende yokuguqula isisekelo sombuso ngenhloso yokwethula umbuso wezabelo, idevolution.

Uhulumende uthi uzakwenza lokhu kusikhatshana esizayo.

Eloba enkundleni yeTwitter, unobhala jikelele webandla leMDC uMnu Douglas Mwonzora usole lelinyathelo esithi kasikho isidingo sokwenza lokhu.

Uthi okudingakalayo yikuguqulwa kwemithetho ethize ukuze ihambelane lodaba lwedevolution olwafakwa kusisekelo sombuso ekubunjweni kwaso ngo2013.

Ukhansili weHarare uMnu Gilbert Hadebe uthe uyakwamukela ukuphiwa kwezabelo amandla ngoba kulakho ukuletha intuthuko.

“Sikhangelele ukuthi idevolution iphumelele iyenze ukuthi abantu abaseziqintini babe lempumelelo,” kutsho uMnu Hadebe.

Kodwa usole uhulumende esithi uzama ukungenela ngendlela engalunganga kumakhansili alawulwa ngumanyano weMDC Aalliance.

Amazwi kaHadebe agcizelelwe yisakhamuzi uMnu Khumbula Nkala.

“Uhulumende weZanu PF ulembali yokutshontsha inotho esezabelweni ezitshiyeneyo,” kutsho uMnu Nkala.

“EManicaland kuledayimana, eMatebeleland kulegolide; kuzo zonke lezindawo inotho le iyathathwa iyesetshenziswa kwezinye indawo ezifana leHarare.”

please wait

No media source currently available

0:00 0:04:18 0:00

Facebook Forum

XS
SM
MD
LG