amalinks wokungena

Breaking News

UMnangagwa Ufungisa Ikomishini Ezahluza Ukubulawa Kwabantu Libutho


Ikomishini kaMongameli Emmerson Mnangagwa ezahlaziya ukubulawa kwabantu libutho
Ikomishini kaMongameli Emmerson Mnangagwa ezahlaziya ukubulawa kwabantu libutho

UMongameli Emmerson Mnangagwa ngoLwesithathu ufungise amalunga ekomishini ezahlolisisa udlakela oluqhamuke ngemva kokhetho lapho okwabulawa khona abantu abayisithupha libutho.

Ikomishini le ilamalunga amane avela phandle kwelizwe kanye lamathathu ayinzalo yeZimbabwe.

Umgcinisihlalo wayo nguMnu. Kgalema Monthlante, yena owake waba nguMongameli weSouth Africa.

Ukufungiswa kwamalunga la kutsho ukuthi ikomishini le isiqalisile umsebenzi.

Amalunga ayo abalisa uMnu. Rodney Dickson oyisizalwane sakweleBhilithani, uEmeka Anyaokuowake, yena owake waba ngunobhala jikelele wenhlanganiso yeCommonwealth odabuka kweleNigeria lowake waba ngomkhokheli webutho laseTanzania uMnu Davies Mwamunyange.

Amanye abalisa uMnu Lovemore Madhuku loNkosazana Charity Charamba abafundisa eUniversity of Zimbabwe kanye legqwetha uNkosazana Vimbai Nyemba.

UMnangagwa wakhetha ikomishini le ukuthi icubungula udlakela olwaqhamuka ngemva kokhetho mhlaka 1 ngoNcwabakazi kanye lokubulawa kwabantu abayisithupha ngamasotsha.

Abanye bayathandabuza ukuthi ikomishini le izaluphatha kuhle loludaba iphume lempumela echaya sobala ukuthi ngubani kahle-kahle owathuma amabutho ukuthi abulale abantu laba.

please wait

No media source currently available

0:00 0:02:39 0:00

Kodwa ingcwethi kwezombusazwe uMnu Effie Dlela ncube uthi iziqondiso ezethulwa nguMongameli Mnangagwa ziyayivumela ikomishini le ukuthi icubungule konke ekubona kufanele.

please wait

No media source currently available

0:00 0:02:33 0:00
XS
SM
MD
LG