amalinks wokungena

Breaking News

Ababili Abathi Abazali Babo Babulawa nguMnangagwa Bazamiswa Enkantolo Namuhla


Abesilisa ababili ababotshwe ngoLwesihlanu koBulawayo ngemva kokwethesa uMongameli Emmerson Mnangagwa icala lokubulala abazali babo ngesikhathi seGukurahundi bazamiswa emthethwandaba namuhla.

UMnu Wisdon Mkhwananzi loMnu Siphamandla Mafu, yena olilunga leMthwakazi Republic Party, babotshwe emhlanganweni wekomishini ecwayisisa ukubulawa kwabantu libutho ngesikhathi sokhetho eHarare.

Ababili laba batshele ikomishini ekhokhelwa ngowake waba nguMongameli weleSouth Africa uMnu Kgalema Motlante le eLarge City Hall ukuthi abazali babo babulawa nguMnangagwa ngeGukurahundi.

Bazamiswa emthethwandaba besetheswa icala lokuhlambaza uMnangagwa. Abanye abathathu ababotshwe labo bakhululwe ngoMgqibelo.

Umkhokheli webandla leMthwakazi Republic Party uMnu Mqondisi Moyo usole kakhulu uhulumende kaMnangagwa esithi uyazifananela nje lokaMugabe kundaba zokuhlukuluza uzulu.

please wait

No media source currently available

0:00 0:03:33 0:00

Facebook Forum

XS
SM
MD
LG