amalinks wokungena

Breaking News

Ukusilela Kwemali Sokuphazamisa Uhlelo Lokupha Abantu Izithupha lamaPassports


Umsitheli uthi ukwehla kwenani lezisebenzi kuhlangothi lwakhe kanye lokusilela kwemali yakwamanye amazwe sokuphazamisa inhlelo zokupha abantu izithupha lencwadi zokuzalwa.

Ekhuluma lentathelizindaba koBulawayo ngoLwesithathu, uMnu Clement Masango uthe kulabantu abanengi asebelesikhathi eside bemelele ama-passports.

“Uma ekhona olodubo lokuswela incwadi zokuzalwa kumbe isithupha ulakho ukuza emahofisini ethu azothola usizo; asivaleli muntu phandle loba sibhekane lobunzima bokuswela imali yakwamanye amazwe kumbe ukusilela kwezisebenzi,” kutsho uMasango.

lsakhamuzi sakoBulawayo, uMnu Mathew Sibanda uthi udaba lukaMasango emhlubulweni weMaNdebeleni seluludala kakhulu.

Uthi njalo kulabantu abalokhe bengela ncwadi zokuzalwa ngenxa yombhuqazwe weGukurahundi owabulalisa inkulungwane lenkulungwane zabantu eMidlands laseMatabeleland.

“Udaba lokusilela kwencwadi zokuzalwa ludala kulesisigaba selizwe njalo uhulumende uyazi ukuba kulabantu abangelazo incwadi zokuzalwa; pho izithupha lamapassport akukhulunywa,” kutsho uMnu Sibanda.

please wait

No media source currently available

0:00 0:04:31 0:00

Facebook Forum

XS
SM
MD
LG