amalinks wokungena

Breaking News

Uhulumende Uthi Imbiko Yokuthunjwa kukaChamisa ngamaCIO Ingamanga


Uhulumende uthi ingamanga imbiko ethi kulabacuphi (CIO) abazame ukuthumba umkhokheli weMDC uMnu Nelson Chamisa evela emhlanganweni wakhe eMarondera ngoMgqibelo.

Ibandla leMDC lithi amaCIO labasekeli beZanu PF bavimbe izimota zikaMnu Chamisa eMabvuku bazama ukumthumba.

Lithi njalo abacuphi laba bazame ukuthumba umtshayeli kaChamisa.

Kodwa umphathintambo kahulumende obona ngokwethulwa kwemibiki uNkosikazi Monica Mutsvangwa ukulangule lokhu esithi uChamisa nguye ohlasele abantu laba bezihambela esithi bayamlandela.

Amazwi kaMutsvangwa agcizelelwe ngumabhalane osebenza kugatsha lwakhe uMnu Nick Mangwana.

“Imota le kayisiyo yamaCIO, ngeyabantu nje ababezihambela abahlaselwa nguChamisa labantu bakhe bacina besiyamangala emapholiseni,” kutsho uMnu Mangwana.

please wait

No media source currently available

0:00 0:00:37 0:00

“Okusobala kuvideo esemphakathini yikuthi uChamisa nguye owazijikela emoteni yabantu laba, hatshi ukuthi wayethunjwa. Nguye uChamisa owayezama ukungenela abantu emoteni yabo.”

Kodwa isikhulumeli sikaChamisa uDr. Nkululeko Sibanda utshele iStudio 7 ukuthi baleqiniso ukuthi ngamaCIO azame ukuthumba umholi wabo.

USibanda uthi kumele uhulumende atshiyane lalumkhuba ngoba ulakho ukubangela ukungahlaliseki elizweni.

please wait

No media source currently available

0:00 0:01:47 0:00

Amazwi kaSibanda agcizelelwe yingcwethi kwezombusazwe uMnu Dinizulu Macaphulana.

please wait

No media source currently available

0:00 0:02:09 0:00

Facebook Forum

XS
SM
MD
LG