Umgcinisihla wekhomishini ebona ngezokhetho elizweni eye Zimbabwe Electoral Commission, uNkosikazi Prscillah Chigumba uthi lanxa elosizi ngokufa kwabantu abadutshulwa eHarare ibandla leMDC lilomlandu wokutshotshozela udlakela olwabangela ukufa kwabantu laba.
Lokhu ngokunye kokuphume ngesikhathi umgcinisihlalo wale Khomishini esipha ubufakazi ku khomishini edingisisa ngembangela yodlakela luka mhla ka 1 Ncwabakazi.
UChigumba utshele ikhomishini edinga iqiniso ngokwenzakala mhla ka 1 Ncwabakazi lapho okwadutshulwa khona abantu abayisithupha bafa, uthi abayisikhomishini yakhe yaqhuba umsebenzi ngendlela lanxa kwaqhamuka loludlakela.
Kulapho uChigumba akhuthaze amalunga edale lephalamende ukuba aguqule imithetho elawula ngezokhetho hatshi ukuthi abamabandla ezombusazwe abe lokhe behluphana labeZEC.
Kodwa zulu e Harare uveze ukukhathazeka lokudana okukhulu ngendlela abezomvikela abafakaza phambi kwekhomishini ecububngula ngembangela yokuqhamuka kwezehlakalo zamhla ka 1 Ncwabakazi.
Omunye wabo kungumnumzana Bekezela Gumbo, ingcwethi ecubungula ezombusazwe enhlanganisweni ye Zimbabwe Development Institute – ZDI.
Osekusenzakala u Gumbo uthi yikudlala ngengqondo zabantu.
Uthi le kuyimizamo nje yabantu abazi ukuthi benza iphutha kodwa sebezama ukuvala into engavalekiyo.
Okugcizelelwe nguMnumzana Nkosikhona Dibidi isakhamuzi sedolobheni le Harare.
Dibidi uthi kuyayangisa ukuba selululazwa udaba lokubulawa kwabantu abadutshulwayo, kukhuba lokuthunuka abalahlekelwa yizihlobo.
Kusenjalo, abe khomishini le bathi khona bezoqhubekela phambili ngalenhlolisiso mhla ka 21 Lwezi, besizwa ubufakazi balokho okwenzakala mhla ka 1 Ncwabakazi lapho kwadutshulwa khona abantu abayisithupha edolobheni le Harare.
Kusenjalo, isikhulumeli sogatsha lwabatsha kubandla leMDC uMnu. Brian Dube uthi bayasola kakhulu indlela amapholisa lamasotsha abagcone ngayo phambi kwalikhomishini ngoMvulo.