amalinks wokungena

Breaking News

UMongameli Mnangagwa Unxuswa Emhlanganweni Wokuletha Ukuthula


Umongameli Emmerson Mnangagwa.
Umongameli Emmerson Mnangagwa.

UMongameli Emmerson Mnangagwa ukhangelelwe ukuba khona kumbuthano wokuletha ukuthula elizweni othiwa National Peace Initiative ozakhokhelwa yisizalwane sakwele South Korea uNkosikazi. Hak Ka Han Moon okhokhela inhlanganiso ye Federation for World Peace and Unification kusasa eHarare enkundleni ye National Sports Stadium.

Lumbuthano wenziwa kulokufuthelana elizweni kulandela impumela yokhetho abamabandla aphikisayo abangavumelani layo.

Omunye wabaphatheke ekuqoqeni lumkhosi ngu Bishop Johannes Ndanga umkhokheli wenhlanganiso ye Apostolic Churches. UNdanga utshele umhlangano lentathelizindaba owenzelwe e Media Centre eHarare namhla ukuba uzulu weZimbabwe azinikele ekuqhubekiseleni phambili inhlelo zokukhankasela ukuthula.

UNdanga uthi lesi yisikhathi sokuqeda ukufuthelana kudingwe lendlela zokuletha ukuthula elizweni ukuze kube lentuthuko uqobo.

Okusekelwe ngomunye wabafundisi abakade bekulomhlangano lentathelizindaba njalo engomunye wabaphatheke kwezokuqoqwa kwalomhlangano ozobuthanisa iziphathamandla ezivele kumagumbi womane womhlaba u Mfundisi Busani Sibanda webandla le United Apostolic Faith.

Uthi kuqkathekile u Sibanda ukuba njengelizwe uzulu aphatheke kumikhankaso yokuletha ukuthula elizweni kukhunyiswane umlotha.

Kodwa uzulu okubalisa uNkosikhona Dibidi ulombono owahlukileyo.

Abaqoqa lumbuthano balandule imbiko ethi uNkosikazi Moon ngowesonto yabakhonza uSatani.

Abe Federation for World Peace and Unification – FFWPU bathi unkosikazi Moon uzothatha lelithuba ukukhulumisana lozulu ngenhlelo ezehlukeneyo okubalisa olokusiza ekuthini uhulumende weZimbabwe asuselwe izijeziso zomnotho azibekelwayo kanye lezabekelwa enye inkokheli yazo kakhulukazi ezisebandleni le Zanu Pf.

Bathi umuntu wonke unxunsiwe okubalisa abezamabandla ezomusazwe, ezokholo kanye lozulu wonke jikelele. Asenelisanga ukuzwa ukuthi umkhokheli webandla leMDC, uMnu. Nelson Chamisa uzakuba ekhona na kulumbuthano.

Abenhlanganiso yomanyano wamabandla ezokholo lwesiKhristu ye Zimbabwe Council of Churches bethule umbiko wokuba abalani lalo mkhosi njalo abasoze babe yingxenye yawo.

XS
SM
MD
LG