Kuqhamuke omunye njalo umlilo eHarare ngoLwesibili endaweni esebenzela abantu abaphila ngokwenza imisebenzi yezandla, iSiyaso Home Industries, eMbare, kwatsha izimota ezinengi ezigoqela amaroli lezincane ebezilungiswa.
Umlilo lo ulandela owangoMvulo oqhamuke eGlenview 8 Complex eHarare njalo, otshise impahla yendlini engena kunkulungwane lenkulungwane zamadola.
Edolobheni leKadoma lakho kuqhamuke umlilo ngelanga elifanayo ntambama kwatsha izitolo ezintathu ezigoqela esakoEdgars.
Amapholisa athi asacwayisisa ngezehlakalo lezi.
Ingozi lezi ziza ngemva kokutsha kwesakhiwo esihlala odokotela abasebenza esibhedlela seMpilo koBulawayo ngoMgqibelo.
Ngeviki edluleyo kulebhasi elumathe umlilo kwafa abantu abangamatshumi amane lambili eGwanda duzane leWest Nicholson.
Imililo yonke le isidale insolo kwabanye abathi ungani yingabomo. Kodwa ukhansila weHarare uMnu Thamsanqa Hadebe utshele iStuio 7 ukuthi kakuboni njalo.
